1․ Ներկայացնել փափկամարմինների արտաքին կառուցվածքը և տարածվածությունը։
Փափկամարմինների ընդհանուր քանակը տարբեր երկրներում տատանվում է 100 հազարից մինչև 200 հազար։ՀՀ-ում ամենուրեք տարածված է 155 տեսակ, Ռուսաստանում հանդիպում է մոտ 2900 տեսակ։ Փափկամարմինները յուրացրել են համարյա բոլոր միջավայրերում գոյատևելու /ծովային և քաղցրահամ ջրեր, հող, ցամաքա-օդային տարածք/ ձևերը։ Փափկամարմինների ամենափոքր ներկայացուցիչները համարվում են երկփեղկանիները։ Փափկամարմինների մեծամասնությունը կարող են տեղաշարժվել ոտքի միջոցով։ Գլխոտանիների մեծամասնության մոտ խեցին բացակայում է։ Փափկամարմինների համար բնորոշ գիծ է համարվում բերանային հատուկ ապարատը՝ քերիչը։ Երկփեղկանիների մոտ ինչպես քերիչը, այնպես էլ՝ ամբողջ գլուխը հետ է զարգացել։
2․ Փափկամարմինների բազմացում։
Փափկամարմինների մեծամասնությունը բաժանասեռ են, սակայն հանդիպում են նաև հերմաֆրոդիտներ: Լճախխունջը հանդիսանում է հերմաֆրոդիտ օրգանիզմ: Լճախխունջների մոտ բեղմնավորումը նման է անձրևորդի բեղմնավորմանը, այսինքն՝ խաչաձև է:
3․ Միջատների արտաքին կառուցվածք և շնչառություն։
Միջատները կազմում են կենդանիների թագավորության ամենամեծ դասը: Նրանց տեսակների թիվն առնվազն 1,5 միլիոն է: Դա ավելին է, քան կենդանիների մյուս բոլոր տեսակների քանակությունը միասին վերցրած: Միջատները տարածված են ամենուրեք: Նրանց կարելի է հանդիպել դաշտերում, անտառներում, այգիներում, հողում, ջրում, օդում, կենդանի օրգանիզմներում:
Միջատների հատվածավոր մարմինը կազմված է երեք բաժիններից՝ գլխից, կրծքից և փորիկից: Բոլոր միջատներն ունեն 1 զույգ բեղեր, կրծքի վրա կրում են 3 զույգ ոտքեր, նրանց մեծ մասն ունի նաև թևեր: Բոլոր միջատների շնչառության օրգանները տրախեաներն են:
4․ Միջատների բազմացում։
Միջատների բազմացումը կատարվում է ներքին բեղմնավորման միջոցով: Ներքին բեղմնավորումը բնորոշ է նաև բարձր կազմավորված կենդանիներին՝ որոշ սողուններին, թռչուններին, կաթնասուններին, այդ թվում նաև՝ մարդուն: Սպերմատոզոիդները էգի սեռական ուղիներում շատ երկար ժամանակ պահպանում են իրենց կենսունակությունը: Օրինակ՝ մայր մեղուն զուգավորումից հետո կարող է 4−5 տարի ձվադրել առանց կրկնակի զուգավորման:
Տարբերակում ենք միջատների զարգացման 2 հիմնական փուլ՝
- Սաղմնային զարգացում
- Հետսաղմնային զարգացում
5․ Երկկենցաղների տարածվածությունը և բազմացումը։
Բոլոր երկկենցաղները բաժանասեռ կենդանիներ են և բազմանում են արտաքին բեղմնավորմամբ: Երկկենցաղների բազմացման օրգանները կառուցվածքով շատ նման են ձկների բազմացման օրգաններին: Տարբերում ենք երկկենցաղների բազմացման և զարգացման հիմնական 5 փուլ.
- հարսանեկան խաղեր
- ձվադրում
- սաղմի զարգացում
- կերպարանափոխություն
- հասուն գորտի ելք ցամաք
6․ Գյուղատնտեսության մեջ ինչ դեր ունեն երկկենցաղները։
Վերացնում են վնասատուներին։
7․ Ներկայացնել կռճիկավոր և ոսկրավոր ձկների մասին։
Կռճիկավոր ձկներ-Ունեն մեծ չափեր։ Մարմինը ծածկված է յուրահատուկ կտենոիդ թեփուկներով, որոնք կազմված են թիթեղիկներից, իսկ վերջինիս վրա կա հետ ուղղված ատամիկ։ Այս թեփուկն առաջանում է կոբիումային հատուկ օստեոդենտինից։ Ատամիկը ծածկված է նուրբ էմալով։ Այս թեփուկները բերանինմոտ խոշորացել և վեր են ածվել ատամների։ Ատամները սուր են, եռանկյունաձև և կպած են ծնոտներին։ Երբեմն դասավորված են երեք շարքերով։ Մաշկը թեթևակի լորձոտ է, լորձը փոքրացնում է շփումը և ունի մանրէասպան հատկություն։ Կմախքն ամբողջությամբ կռճիկային է։ Ողնաշարը մտնում է հետին բլթակի մեջ, իսկ լողակները հորիզոնական են։ Աղիքում ունեն զսպանակաձև փական։ Լողափամփուշտ չունեն։ Ունեն դունչ՝ ռոստրոմ, որի պատճառով բերանը ստորին կողմում է։ Պոչը հետերոցերկալ է։ Բեղմնավորումը ներքին է, դնում են կճեպով ծածկված ձվեր կաձվակենդանածին են կամ էլ կենդանածին։Կռճիկային ձկների մարսողուրյան համակարգը ընդհանուր կառուցվածքով նման է մյուս ողնաշարավորների նույն համակարգին, սակայն կան որոշ առանձնահատկություններ։
Ոսկրավոր ձկներ-Մարմնի երկարությունը 1 սմ-ից – 5 մ է։ Կմախքը ոսկրային է, գանգի ոսկրերը լավ են զարգացած։ Մարմինը պատված է ոսկրային թեփուկներով, որոշ տեսակներինը թեփուկներից զուրկ է։ Ոսկրային ձկներին են պատկանում ժամանակակից ձկների տեսակների մոտ 90%-ը։ Տարածված են բոլոր ջրամբարներում, որտեղ կարող են ապրել ձկները։ Բաժանասեռ են, միայն մի քանի տեսակներ հերմաֆրոդիտ են։ Բեղմնավորությունը արտաքին է, որոշ ոսկրոտ ձկներ կենդանածին են։ Բուսակեր են, կան և կենդանական կերով սնվողներ և մակաբույծներ։